للأمانة: أنا عندي كورس تجارة إلكترونية. القايمة دي تنفع تحكم بيها على أي كورس، بما فيهم بتاعي.
الـ ١٠ أسئلة قبل ما تدفع
١. مين اللي بيشرح؟
اسم حقيقي، وش، حسابات بيظهر فيها بنفسه. وهل هو شغال في التجارة دي فعلا ولا بس بيعلمها؟
٢. السعر واضح؟
٣. مرة واحدة ولا اشتراك؟
اعرف هتدفع كام في المجمل. في كورسات بتبان رخيصة وهي اشتراك شهري.
٤. بيوعدك بمكسب؟
"هتكسب ١٠ آلاف في الشهر" = علامة حمرا. محدش يقدر يضمن مكسب في تجارة.
٥. بيعلم السوق المصري؟
الدفع عند الاستلام، التأكيد، شركات الشحن، الإعلانات بالجنيه. كورس أجنبي مترجم ممكن يعلمك حاجات مبتشتغلش هنا.
٦. المحتوى مترتب؟
في خطة واضحة: المنتج ← المتجر ← الإعلان ← أول بيعة؟ ولا فيديوهات متقطعة؟
٧. تقدر تشوف قبل ما تدفع؟
درس مجاني، تجربة للمنصة، أو على الأقل قايمة الدروس.
٨. في متابعة؟
لو وقفت، في حد ترجعله؟ مجتمع؟ دعم؟ أغلب الناس مبتفشلش عشان المعلومة، بتفشل عشان بتقف لوحدها.
٩. الأدلة حقيقية؟
آراء من ناس حقيقية بأسمائها، مش صور تحويلات من غير مصدر. واسأل: الرأي ده عن إن الكورس علمه ولا إنه كسب كذا؟
١٠. في سياسة استرجاع مكتوبة؟
مكتوبة بوضوح قبل ما تدفع، ومن غير شروط مستخبية.
علامات حمرا (لو شفت واحدة، فكر تاني)
- ضمان أرباح أو "فلوسك راجعة لو مكسبتش".
- عربيات وساعات وفلوس في كل فيديو.
- ضغط: "آخر ٣ أماكن"، "السعر هيزيد بعد ساعة".
- "ابعتلي رسالة وهقولك السعر".
- مش باين حد حقيقي ورا الكورس.
- بيطلب منك تجيب ناس عشان تكسب (ده تسويق شبكي، مش تجارة إلكترونية).
اسأل قبل ما تدفع (رسالة جاهزة)
ابعت للكورس اللي بتفكر فيه الأسئلة دي، وشوف هيرد ازاي:
- مين بالظبط اللي بيشرح، وشغال في إيه دلوقتي؟
- السعر كام في المجمل، ومرة واحدة ولا اشتراك؟
- ممكن أشوف قايمة الدروس أو درس ببلاش؟
- لو وقفت في خطوة، أسأل مين وبيرد امتى؟
- سياسة الاسترجاع إيه بالظبط؟
لو الرد كله "صدقني هتكسب" ومفيش إجابة واضحة على السؤال، عندك الإجابة.
تتعلم ببلاش الأول؟
أيوه، ابدأ ببلاش. في محتوى مجاني كتير على يوتيوب وتيك توك، وموقعي فيه شرح ببلاش لكل خطوة: المنتج · المتجر · الإعلان · الحسبة · الدفع عند الاستلام
الكورس بيفرق لما تكون محتاج ترتيب + متابعة + حد تسأله، مش لما تكون محتاج معلومة واحدة.
كورسي، بنفس الأسئلة
عشان تحكم بنفسك:
- مين بيشرح: أنا، عبدالرحمن الغنام، باسمي ووشي على @elghannam.builds. شغال في متاجر بنفسي.
- السعر: ٢٥٠٠ جنيه مرة واحدة، مش اشتراك. في نسخة PDF بـ ١٩٩.
- الوعود: مفيش وعد بمكسب.
- المحتوى: من الصفر لأول أوردر، بالترتيب، بالمصري، للسوق المصري.
- الدعم: شات دعم جوه المنصة بيرد خلال ٢٤ ساعة، وجروب واتساب للطلاب.
- تشوف قبل ما تدفع: كل اللي في الكورس وسعره مكتوبين على صفحة الاشتراك قبل ما تدفع.
- الاسترجاع: لو طبقت كل خطوة في الكورس خلال ٣٠ يوم ومجالكش ولا أوردر واحد، أو حسيت إنك ما اتعلمتش حاجة، بنرجعلك فلوسك كاملة.
اقرا كمان: هل التجارة الإلكترونية نصب؟ · ازاي أبدأ تجارة إلكترونية من الصفر · تفاصيل كورسي
أسئلة بتتسأل كتير
إيه أفضل كورس تجارة إلكترونية في مصر؟
مفيش "أفضل" لكل الناس. الأفضل ليك هو اللي يعدي الـ ١٠ أسئلة دي، ويناسب ميزانيتك ووقتك.
كورسات التجارة الإلكترونية تستاهل فلوسها؟
لو الكورس بيوفر عليك شهور من التجربة والغلط ومعاه متابعة، ممكن. لو بيبيعلك حلم، لأ.
أتعلم من يوتيوب ببلاش ولا أدفع في كورس؟
ابدأ ببلاش. لو لقيت نفسك واقف ومش عارف الخطوة الجاية، ساعتها الكورس بيفرق.
ينفع أتعلم التجارة الإلكترونية مجانا؟
أيوه، في محتوى مجاني كتير على يوتيوب وفي صفحات الإجابات دي. الكورس المدفوع بيوفر الترتيب والدعم وحد تسأله، مش معلومات سرية.
عن الكاتب: عبدالرحمن الغنام، ٢١ سنة من القاهرة، شغال في التجارة الإلكترونية من وهو ١٦ سنة، وعنده كورس تجارة إلكترونية. اعرف أكتر · انستجرام · تيك توك · يوتيوب