ليه الناس بتقول عليها نصب
الكلمة اتحرقت بسبب ٣ حاجات:
- ناس بتبيع "حلم" مش شغل. فيديوهات عربيات وساعات وصور تحويلات، وفي الآخر كورس بيوعدك بنفس الحاجة. الفلوس الحقيقية في التجارة بتيجي من بيع منتج، مش من صورة.
- ناس بدأت غلط وخسرت. اشتروا مخزون من غير ما يختبروا، أو صرفوا على إعلان من غير حسبة، فطلعوا بيقولوا "ده نصب". هي مش نصب، هي شغل محتاج تتعلمه.
- متاجر نصابة فعلا. متاجر بتاخد فلوس ومبتشحنش، أو بتشحن حاجة غير اللي في الصورة. وده سبب إن الدفع عند الاستلام منتشر في مصر: العميل مبيدفعش غير لما يستلم.
الحقيقة من جوا الشغل
أنا بدأت أبيع وأنا عندي ١٦ سنة، وشغال في المتاجر بنفسي. الشغل الحقيقي شكله كده:
- تختار منتج، وأغلب المنتجات اللي بتجربها مش بتشتغل. ده عادي.
- تعمل إعلان، وتبص على الأرقام كل يوم: بتدفع كام في الأوردر؟
- تأكد كل أوردر على واتساب قبل الشحن.
- تشحن، وتستنى الفلوس ترجعلك من شركة الشحن.
- في أوردرات بترجع، وفي أيام إعلان بيخسر.
مفيش زرار. في شغل بيتكرر. اللي بيكمل ويحسب صح بيكسب، واللي بيدور على طريق مختصر غالبا بيخسر.
ازاي تعرف إن كورس أو شخص بيضحك عليك
- بيضمنلك مكسب أو رقم ثابت في الشهر. مفيش حد يقدر يضمن ده.
- مفيش وش ولا اسم حقيقي. صفحة من غير حد معروف وراها.
- السعر مش واضح، أو بيتغير كل شوية بعدادات "آخر ساعة".
- أدلته كلها صور تحويلات من غير اسم ولا تاريخ.
- بيطلب فلوس عشان "تفعل" حساب أو تدخل "فرصة استثمار".
- مش بيوريك أي حاجة قبل ما تدفع.
تفاصيل ازاي تختار كورس تجارة إلكترونية
ازاي تجرب بنفسك من غير ما تتنصب عليك
- ابدأ بمنتج واحد وميزانية إعلان صغيرة إنت مستعد تخسرها.
- احسب كل حاجة قبل ما تبدأ. الحسبة
- استخدم الدفع عند الاستلام، وأكد كل أوردر.
- اتعلم من مصادر باين مين وراها، وسعرها مكتوب.
لو إنت مشتري: ازاي تعرف إن المتجر مش نصاب
نفس الفكرة من الناحية التانية، لو هتطلب من متجر أونلاين:
- في دفع عند الاستلام؟ ده أمان ليك.
- في رقم واتساب بيرد وصفحة استرجاع مكتوبة؟
- الصور شكلها حقيقي ولا متاخدة من النت؟
- السعر منطقي؟ لو أرخص من السوق بكتير، اسأل ليه.
- ينفع تفتح الشحنة قبل ما تدفع؟ اسأل قبل ما تطلب.
ولو إنت بايع، اعمل متجرك بالشكل ده بالظبط. العميل المصري بيدور على العلامات دي قبل ما يطلب، والمتجر اللي بيطمنه هو اللي بيبيع.
اقرا كمان: هل التجارة الإلكترونية مربحة في مصر؟ · التجارة الإلكترونية حلال ولا حرام؟ · ازاي تختار كورس من غير ما تتنصب
أسئلة بتتسأل كتير
هل التجارة الإلكترونية مربحة في مصر؟
ممكن. فيها ناس بتكسب وناس بتخسر. اللي بيفرق: المنتج، الحسبة، الإعلان، والتأكيد. محدش يقدر يوعدك بمكسب. الحسبة بالتفصيل
هل الدفع عند الاستلام آمن للبايع؟
آمن من ناحية إن العميل بيستلم الأول، بس فيه خطر المرتجع. التأكيد على واتساب قبل الشحن بيقلله. الدفع عند الاستلام
كورسات التجارة الإلكترونية كلها نصب؟
لأ. في كورسات بتعلم شغل حقيقي، وفي كورسات بتبيع حلم. الفرق: هل في وعد بأرباح؟ هل باين مين اللي بيشرح؟ هل السعر واضح؟
إنت بتبيع كورس، ليه أصدقك؟
متصدقنيش على الكلام. اسمي ووشي على انستجرام وتيك توك ويوتيوب (@elghannam.builds)، وكل حاجة في الكورس وسعره مكتوبين قبل ما تدفع. ومش هوعدك بمكسب. الكورس
هل التجارة الإلكترونية حقيقية أم وهم؟
حقيقية: في منتجات بتتباع وفلوس بتتحصل كل يوم في مصر. الوهم هو إنها سهلة أو مضمونة.
التجارة الإلكترونية حلال ولا حرام؟
دار الإفتاء المصرية اتكلمت عن البيع في المتاجر الإلكترونية والدروب شيبنج وحطت له ضوابط. اقرا الملخص والمصدر
عن الكاتب: عبدالرحمن الغنام، ٢١ سنة من القاهرة، شغال في التجارة الإلكترونية ومؤسس INTENTIONS. اعرف أكتر · انستجرام · تيك توك · يوتيوب